جمشید دستی کا این اے 175سے نااہلی کیخلاف درخواست کی جلد سماعت کیلئے مقرر کرنے کیلئے لاہور ہائیکورٹ سے رجوع

ہفتہ 26 جولائی 2025 20:50

لاہور (اُردو پوائنٹ اخبارتازہ ترین - اے پی پی۔ 26 جولائی2025ء) تحریک انصاف کے رہنما جمشید دستی نے این اے 175سے نااہلی کیخلاف درخواست کی جلد سماعت کیلئے مقرر کرنے کیلئے لاہور ہائیکورٹ سے رجوع کرلیا ۔

(جاری ہے)

درخواست میں موقف اختیار کیا گیا ہے کہ الیکشن کمیشن نے نااہل کیا،ا لیکشن کمیشن کے احکامات کے خلاف ملتان بینچ میں درخواست دائر کی، ملتان بینچ نے درخواست پر لارجر بینچ بنانے کیلئے فائل لاہور ہائیکورٹ کو بھجوا دی۔

ریکارڈ کے مطابق لاہور ہائیکورٹ کو کیس کی فائل موصول ہو چکی ہے، الیکشن کمیشن نے این اے 175کے ضمنی الیکشن کا شیڈول جاری کر رکھا ہے اگر درخواست پر بروقت سماعت نہ ہوئی درخواست دائر کرنے کا مقصد ختم ہو جائے گا۔ درخواست میں استدعا کی گئی کہ عدالت درخواست کو جل سماعت کے لیے مقرر کرنے کا حکم دے،عدالت درخواست کو سماعت کے لیے مقرر کر کہ لارجر بینچ کو بھجوائے۔