Live Updates

عمران خان آج بھی مقبول ترین لیڈر ہیں،ان کا نام لاٹری کے ٹکٹ کی طرح بِکتا ہے

بانی کو اپنی ٹیم سلیکشن تبدیل کرنا ہوگی، شاہ محمود قریشی کیخلاف محاذ کھڑا کیا جارہا ہے کیونکہ ان کا سیاسی قد کاٹھ ہے، اتنی بڑی پارٹی لیکن ایک ایسا بندہ نہیں جو قیادت کرسکے، بہت سے لوگ عہدوں پر کام نہیں کرنا چاہتے، وکیل بانی پی ٹی آئی فیصل چوہدری

ثنااللہ ناگرہ ہفتہ 26 جولائی 2025 22:42

عمران خان آج بھی مقبول ترین لیڈر ہیں،ان کا نام لاٹری کے ٹکٹ کی طرح بِکتا ..

اسلام آباد ( اردوپوائنٹ اخبار تازہ ترین۔ آئی پی اے ۔ 26 جولائی 2025ء ) وکیل بانی پی ٹی آئی فیصل چوہدری نے کہا ہے کہ عمران خان آج بھی مقبول ترین لیڈر ہیں،ان کا نام لاٹری کے ٹکٹ کی بکتا ہے،بانی پی ٹی آئی کو اپنی ٹیم سلیکشن تبدیل کرنا ہوگی، شاہ محمود قریشی کے خلاف محاذ کھڑا کیا جارہا ہے کیونکہ ان کا سیاسی قد کاٹھ ہے،اتنی بڑی پارٹی لیکن ایک ایسا بندہ نہیں جو قیادت کرسکے، بہت سے لوگ عہدوں پر کام نہیں کرنا چاہتے۔

انہوں نے اے آروائی نیوز کے پروگرام میں گفتگو کرتے ہوئے کہا کہ بیرسٹر گوہر نے 39ارکان اسمبلی کو سزاؤں کا نمبر دیا، میں نے 8ہفتے پہلے ہی کہہ دیا تھا کہ 9مئی مقدمات میں سزائیں ہونی ہیں، شاید سزائیں ستمبر میں ہونی تھیں، ایک سیاسی ماحول ہے، جس پر سیاست ہورہی ہے، روزانہ چیلنج کرنے کی اجازت نہیں دی جاسکتی ،26نومبرکو یہاں آگئے، اب ریاست یاحکومت نے فیصلہ کیا کہ وہاں تک جانے ہی نہیں دینا۔

(جاری ہے)

5لوگوں کو سزائیں ہوچکی ہیں، مجھے لگتا ہے کہ 45ارکان اسمبلی کے قریب لوگوں کو سزائیں ہوجائیں گی، فیصل آباد کیسزکا جلدی فیصلہ ہوجائے گا، کیسزسے متعلق موجودہ پی ٹی آئی قیادت کے پاس کوئی سیاسی یا قانونی حکمت عملی نہیں ہے۔ تحریک کو ایک ہفتہ رہ گیا ہے لیکن 5اگست کو تحریک کے بارے ورکرز کو کچھ پتا نہیں کہ کہاں اکٹھا ہونا ہے؟تحریک کیلئے عمران خان کی بہنیں پارٹی کو دیکھ رہی جبکہ پارٹی میں سکت نہیں ہے، اسی طرح تحریک چلانے کا ماحول بھی نہیں ہے۔

اس میں کوئی شک نہیں کہ عمران خان آج بھی مقبول ترین لیڈر ہیں، آج بھی عمران خان کا نام لاٹری کے ٹکٹ کی بکتا ہے۔ لاہور میں تنظیم کو بلایا نہیں گیا جبکہ تحریک تنظیم نے چلانی ہوتی ہے ،مجھے ذاتی طور پر پتا ہے کہ بہت سارے لوگ اپنے عہدوں پر کام نہیں کرنا چاہتے۔ لوگ ووٹ تو دے دیں گے لیکن سوال یہ ہے کہ ووٹ دینے والے سڑکوں پر بھی آئیں گے؟انہوں نے کہا کہ بانی پی ٹی آئی کو اپنی ٹیم سلیکشن تبدیل کرنا ہوگی، عثمان بزدار فارمولہ نہ اپنایا جاتا تو آج سورتحال مختلف ہوتی؛ شاہ محمود قریشی ایک کیس میں بری ہوگئے تو ان کے خلاف محاذ کھڑا کیا جارہا ہے، انہیں متنازع بنانے کی کوشش کی جارہی ہے، کیونکہ وہ باہر آئیں گے تو لوگ ان کی طرف دیکھنا شروع کردیں گے۔

شاہ محمود قریشی، اعجاز چوہدری، یاسمین راشد، عالیہ حمزہ پر انگلیاں اٹھانا ناانصافی ہے۔ ہمارے پاس آج کوئی ایسا بندہ نہیں جو قیادت کرسکے، ہمیں ایک سنگل پارٹی مین محمود اچکزئی کو دیکھنا پڑ رہا ہے۔