میامی پہنچنے پر غیرمعمولی انداز میں استقبال پر بڑی خوشی ہوئی: حارث رؤف

میامی پہنچنے پر ہمیں بہت پروٹوکول ملا، امریکا میں پہلے کبھی ایسا تجربہ نہیں ہوا‘ویب سائٹ ایکس پر پیغام

پیر 28 جولائی 2025 12:30

میامی پہنچنے پر غیرمعمولی انداز میں استقبال پر بڑی خوشی ہوئی: حارث ..

میامی (اُردو پوائنٹ اخبارتازہ ترین - این این آئی۔ 28 جولائی2025ء)پاکستان کرکٹ ٹیم کے فاسٹ بولر حارث رؤف نے کہا ہے کہ میامی پہنچنے پر غیرمعمولی انداز میں استقبال پر بڑی خوشی ہوئی۔سماجی رابطے کی ویب سائٹ ایکس پر جاری کیے گئے پیغام میں حارث رؤف نے کہا کہ میامی پہنچنے پر ہمیں بہت پروٹوکول ملا، امریکا میں پہلے کبھی ایسا تجربہ نہیں ہوا۔

(جاری ہے)

ان کا کہنا تھا کہ پاکستان کرکٹ اور پی سی بی کو عزت دینے پر شکر گزار ہیں۔

کھلاڑیوں نے غیر معمولی انتظامات کرانے پر چیئرمین پی سی بی محسن نقوی کا شکریہ ادا کیا۔ذرائع کے مطابق پاکستان کرکٹ اسکواڈ کے لیے الگ کاؤنٹرز کا انتظام کیا گیا تھا، قومی اسکواڈ کو کم سے کم وقت میں امیگریشن کے مرحلے سے گزارا گیا۔پاکستان کرکٹ اسکواڈ کو سیکیورٹی اہلکاروں نے جہاز نکلتے ہی پروٹوکول دیا، پاکستان کرکٹ اسکواڈ کو سیکیورٹی کی گاڑیوں کے ساتھ ہوٹل پہنچایا گیا۔