امدادی کوششوں میں تیزی، اردن اور امارات نے غزہ میں خوراک اور اشیا گرائیں

منگل 29 جولائی 2025 09:10

دبئی ، رام اللہ (اُردو پوائنٹ اخبارتازہ ترین - اے پی پی۔ 29 جولائی2025ء) اردن اور متحدہ عرب امارات کی جانب سے غزہ میں خوراک اور ضروری انسانی امدادی اشیا فضا سے گرائی گئی ہیں۔عرب نیوز نے اردن کی سرکاری نیوز ایجنسی کے حوالے بتایا ہے کہ غزہ کی پٹی کے مختلف علاقوں میں ضروری خوراک اور دیگر امدادی اشیا کے تین پیکجز گرائے گئے۔

(جاری ہے)

فضا سے غزہ میں امدادی سامان گرانے کے لیے اردن کی رائل ایئر فورس اور امارات کا سی ون تھرٹی طیارہ استعمال کیا گیا۔

خبر ایجنسی کے مطابق فلسطینی شہریوں کی مدد اور علاقے میں جنگ سے پھیلتے مصائب کے دوران یہ امداد اردن کی حشمیت چیریٹی آرگنائزیشن اور انٹرنیشنل پارٹنرز کے تعاون سے گرائی گئی۔متحدہ عرب امارات نے سنیچر کو کہا کہ ناکہ بندی کے باعث ’نازک‘ انسانی صورتحال کے مدنظر وہ غزہ میں مزید امدادی سامان گرائے گا۔