Live Updates

چیلنج ہے سیاسی و جمہوری طریقے سے حکومت گرا کر دکھاؤ، علی امین گنڈاپور

ہماری جنگ حق کی ،ہم ہی جیتیں گے، 5اگست کو ملک بھر سے لوگ احتجاج کیلئے نکلیں گے،میڈیاسے گفتگو ڈسٹرکٹ اینڈ سیشن کورٹس نے سامنے سرنڈر کرنے پر وزیراعلیٰ خیبرپختونخوا کے وارنٹ گرفتاری منسوخ کر دیئے

منگل 29 جولائی 2025 17:40

چیلنج ہے سیاسی و جمہوری طریقے سے حکومت گرا کر دکھاؤ، علی امین گنڈاپور

اسلام آباد(اُردو پوائنٹ اخبارتازہ ترین - این این آئی۔ 29 جولائی2025ء)وزیراعلیٰ خیبرپختونخوا علی امین گنڈاپور نے کہا ہے کہ چیلنج ہے سیاسی اور جمہوری طریقے سے حکومت گرا کر دکھاؤ۔منگل کوڈسٹرکٹ کورٹس اسلام آباد میں پیشی کے موقع پر میڈیا سے گفتگو کرتے ہوئے علی امین گنڈاپور نے کہا کہ بانی پی ٹی آئی عمران خان کے ساتھ کھڑے ہیں اور کھڑے رہیں گے، 5اگست کو ملک بھر سے لوگ احتجاج کیلئے نکلیں گے، بانی رہا ہوں گے۔

انہوں نے کہا کہ ہم مقدمات سے گھبرانے والے نہیں، میرے اوپر جھوٹے اور من گھڑت مقدمات بنائے گئے ہیں، ہم ہمیشہ سے اپنے آپ کو قانون کے سامنے پیش کرتے ہیں۔انہوںنے کہاکہ میرے خلاف یہ کیس 2016سے چل رہا ہے، میرے خلاف جو کیس بنایا گیا ہے اس کیس میں کچھ بھی نہیں ہے ، میرے اوپر اسلحہ اور بوتلیں ڈالی گئی ہیں، جب یہ کیس بنایا گیا میں نہ ہی وہاں موجود تھا نہ ہی وہ گاڑی میری تھی۔

(جاری ہے)

علی امین گنڈاپور نے کہا کہ ہماری جنگ حق کی ہے یہ جنگ ہم ہی جیتیں گے، میں اپنے صوبے میں اس احتجاج کو لیڈ کروں گا۔قبل ازیں ڈسٹرکٹ اینڈ سیشن کورٹس اسلام آباد میں شراب اور اسلحہ برآمدگی کیس کی سماعت ہوئی۔عدالت کے سامنے سرنڈر کرنے پر وزیراعلیٰ خیبرپختونخوا علی امین گنڈاپور کے وارنٹ گرفتاری منسوخ کر دیئے گئے۔جوڈیشل مجسٹریٹ مبشر حسن چشتی نے کیس پر سماعت کی، علی امین گنڈا پور اپنے وکیل راجہ ظہور الحسن کے ہمراہ عدالت میں پیش ہوئے۔بعدازاں عدالت نے وزیراعلیٰ خیبرپختونخوا کو جانے کی اجازت دے دی، علی امین گنڈاپور کے ضمانتی کو دیا گیا شوکاز نوٹس بھی واپس لے لیا گیا۔