ہیپاٹاٹس ما حول کے صاف ستھرا نہ ہونے اور پینے کے پانی میں موجود آلودگی کی وجہ سے ہوتا ہے ،انجم عقیل خان

راولپنڈی(اُردو پوائنٹ اخبارتازہ ترین - این این آئی۔ 29 جولائی2025ء) پاکستان مسلم لیگ ( ن) کے وفاقی دارالحکومت سے رکن قومی اسمبلی انجم عقیل خان نے کہا ہے کہ ہیپاٹاٹس ایک موذی مر ض ہے جو ما حول کے صاف ستھرا نہ ہونے کی وجہ سے اور پینے کے پانی میں موجود آلودگی اور کثافتوںکی وجہ سے ہوتا ہے ،اس وقت پاکستان میں یہ مرض تیزی سے بڑھ رہا ہے جو جگر ، پھیپھڑوں ، گردوں کے کینسر اور دیگر امراض کا سبب بن رہا ہے ،اٹلی ،اور یورپ کیدیگر ممالک میں اوسطً عمر سو سال ہے جبکہ ہمارے ہاں اوسطً عمر گھٹ کر پچاس سال رہ گئی ہے، صحت و صفائی کے نظام کو درست کرنے کی ضرورت ہے ،، لیپ ،،کے سی ، ای ، او ڈاکٹر انصر اسحاق اور ان کی ٹیم مبارک باد کی مستحق ہے جو یونین کونسل وار اس کام کو جاری رکھے ہوئے ہے اور گھر گھر جاکر مفت ٹیسٹ اور علاج معالجے کی سہولیات فراہم کر رہے ہیں ،مخیر حضرات کو آگے آکر اس کار خیر میں حصہ لینے کی دعوت ہے تا کہ وہ بھی نیکیاں کما کر جنت مین گھر بنا سکیں ۔

(جاری ہے)

ان خیالات کا اظہار انہوں نے راولپنڈی میںہیپاٹا ٹس کے حوالے سے کام کرنے والی سماجی تنظیم ،،لیپ،،کے زیر اہتمام عالمی یوم ہیپاٹائٹس کے حوالے سے منعقدہ تقریب سے خطاب کرتے ہوئے کیا ہے ۔انہوں نے کہا کہ حکومتی سطح پر بھی اس حوالے سے کام کی اشد ضرورت ہے ۔تقریب سے خطاب کرتے ہو ئے رکن صوبا ئی اسمبلی پنجاب محسن ایوب نے بھی ہیپاٹاٹئس کے مرض کے نقصانات پر روشنی ڈالی اور وزیر اعلیٰ پنجاب مریم نواز کے اس حوالے سے وژن پر روشنی ڈالی تقریب سے اپنے خطاب میں سابق سربراہ آئی ،ایس ، آئی جنرل حمید گل کے فرزند ارجمند عبداللہ گل نے کہا کہ یہ دن منانے کا مقصدعوام کو اس مرض کے حوالے سے آگا ہی دینا ہے تا کہ لوگ اس سے بچ سکیں ۔

انہو ں نے بتا یاکہ ملک میں یہ مر ض تیزی سے پھیل رہا ہے اس کی پانچ اقسام ہیں اور اس وقت پاکستان میں سب سے زیادہ اس مر ض سے متاثرین بلوچستان کے علاقے لورا لا ئی میں 93 فی صد ہے اور ملک بھر میں اس مرض سے ایک کروڑ پچاس لا کھ لوگ لوگ لڑ رہے ہیں ۔انہوں نے پینے کے صاف پا نی کی فراہمی اور ماحولیاتی آلودگی کے خاتمے پر زور دیا ہے ۔تقریب سے اپنے اپنے خطاب میں سی ، ای او سیور ٖوڈزحاجی محمد نعیم ، مسلم لیگ ( ن) پنجاب کے نائب صدر شیخ ارسلان حفیظ ، مسلم ( ن) کے رہنما مرزامنصور بیگ ، لیپ کے اعزازی چیر مین ڈاکٹر صغیر ، بانی رکن سیور فوڈز پروفیسر محمد ارشد ، تا جر رہنما ایم ، اے ہارون شیخ ، ڈاکٹرمحمد سلیم ، سی ، ای ، او ہیلتھ ڈاکٹر احسان غنی ، ڈی او، ہیلتھ سروسز ڈاکٹر اعجاز ، حمیرا رانا ، اور دیگر نے بھی خطاب کیا۔

اس موقع پر اعلیٰ کارکردگی کے حامل افراد کو ایوارڈز سے بھی نوازا گیا ۔