ملک احمد بھچر کو سزا کے بعد پنجاب اسمبلی میں قائد حزب اختلاف کا عہدہ خالی ہونے کا نوٹیفکیشن جاری

جمعرات 31 جولائی 2025 14:35

لاہور(اُردو پوائنٹ اخبارتازہ ترین - این این آئی۔ 31 جولائی2025ء)ملک احمد خان بھچر کو انسداد دہشتگردی کی خصوصی عدالت سے 9مئی 2023ء کے مقدمے میں سزا سنائے جانے کے بعد پنجاب اسمبلی میں قائد حزب اختلاف کا عہدہ خالی ہونے کا نوٹیفکیشن جاری کر دیا گیا۔

(جاری ہے)

نوٹیفکیشن میں کہا گیا ہے کہ پنجاب اسمبلی میں قائد حزب اختلاف کا عہدہ خالی ہوچکا ہے۔اس وقت قائد حزب اختلاف کی ذمہ داری ڈپٹی قائد حزب اختلاف معین قریشی سر انجام دے رہے ہیں،آئندہ اجلاس کے دوران حزب اختلاف کو قائد حزب اختلاف کا انتخاب کرنا ہوگا۔