پی ٹی آئی نے 9 مئی کیسز کے فیصلوں کو روکنے کیلئے 5 اگست کی تحریک کا اعلان کیا تھا

ان کو پتا تھا کہ عدالت نے 4 مہینوں میں فیصلے کرنے کا حکم دیا ہے، ان کو سزاؤں پر اعتراض ہے تو متعلقہ فورم سے رجوع کریں، پی ٹی آئی کو اب 5 اگست کی تحریک کیلئے بہانہ مل گیا کہ سزائیں ہوگئیں۔ وفاقی مشیر سیاسی امور رانا ثناءاللہ

ثنااللہ ناگرہ جمعہ 1 اگست 2025 23:33

پی ٹی آئی نے 9 مئی کیسز کے فیصلوں کو روکنے کیلئے 5 اگست کی تحریک کا اعلان ..

اسلام آباد (اُردو پوائنٹ اخبارتازہ ترین۔ یکم اگست 2025ء) وفاقی مشیر سیاسی امور رانا ثناءاللہ نے کہا ہے کہ پی ٹی آئی نے 9 مئی کیسز کے فیصلوں کو روکنے کیلئے 5 اگست کی تحریک کا اعلان کیا تھا، ان کو پتا تھا کہ سپریم کورٹ نے 4 مہینوں میں فیصلے کرنے کا حکم دیا ہے، ان کو سزاؤں پر اعتراض ہے تو متعلقہ فورم سے رجوع کریں، اب پی ٹی آئی کو 5 اگست کیلئے بہانہ مل گیا کہ سزائیں ہوگئیں کچھ نہیں کرسکے۔

انہوں نے اے آروائی نیوز کے پروگرام میں گفتگو کرتے ہوئے کہا کہ اگر9 مئی کوئی ڈرامہ ہے یا افسانہ ہے تو پھر کہا جاسکتا ہے کہ یہ فیصلے طے کئے گئے ہیں، لیکن اگر 9 مئی حقیقت ہے اور 9 مئی کو کچھ لوگوں نے دفاعی ادارے کی حساس تنصیبات پر حملہ کیا ہے، اگر سب حقیقت ہے مقدمات ہوئے ہیں، پراسیکیوشن چلی ہے،شواہد پیش کئے گئے، ہاں یہ کہا جاسکتا ہے کہ سزائیں سخت ہوئی ہیں یا غلط ہوئی اس پر بات ہوسکتی ہے۔

(جاری ہے)

سزاؤم پر اعتراض ہے تو متعلقہ فورم سے رجوع کریں۔ 9 مئی کیسز دوسال سے چل رہے تھے، کیا 5 اگست کو ان کی تحریک روکنے کیلئے سزائیں سنائی گئی ہیں؟ یا پھر پی ٹی آئی نے سزاؤں کو روکنے کیلئے 5 اگست کی تحریک کا اعلان کیا؟ 4 ماہ پہلے اپریل میں سپریم کورٹ نے فیصلہ دیا کہ 9 مئی کیسز کا 4 مہینوں میں فیصلے کئے جائیں۔ پی ٹی آئی نے 5 اگست کے احتجاج کا اعلان 9 مئی کیسز کے فیصلوں کو روکنے کیلئے کیا تھا، ان کو پتا تھا کہ سپریم کورٹ نے عدالتوں کو 4 مہینوں میں فیصلے کرنے کا حکم دیا ہے۔

جلد فیصلے کرنے کی درخواستیں بھی پی ٹی آئی نے ہی جمع کرائی تھیں۔ پی ٹی آئی کی 5 اگست کی تحریک نہ شروع ہوئی اور نہ عروج پر جانا تھا۔ پی ٹی آئی کے ایسے حالات نہیں کہ تحریک چلانے کی بات کرےاب پی ٹی آئی کو 5 اگست کیلئے بہانہ مل گیا کہ سزائیں ہوگئیں کچھ نہیں کرسکے۔ انہوں نے کہا کہ اپوزیشن نے اصلاحات کیا پریس کانفرنس کے ذریعے لانی ہیں؟ آج پی ٹی آئی نے پریس کانفرنس کی ہے تو کل ہم کردیں گے۔