کگیسو ربادا نے بابر اعظم کو اپنے کیریئر کا مشکل ترین بیٹر قرار دے دیا

ربادا نے 71 ٹیسٹ، 106 ون ڈے اور 70 ٹی ٹونٹی انٹرنیشنل میں جنوبی افریقا کی نمائندگی کر رکھی ہے

ذیشان مہتاب منگل 30 ستمبر 2025 14:03

کگیسو ربادا نے بابر اعظم کو اپنے کیریئر کا مشکل ترین بیٹر قرار دے دیا

کیپ ٹائون (اردو پوائنٹ تازہ ترین اخبار ۔ 30 ستمبر 2025ء ) جنوبی افریقا کے فاسٹ بولر کاگیسو ربادا نے پاکستان کے بابر اعظم کو اپنے کیریئر کا مشکل ترین بیٹر قرار دے دیا۔

30 سالہ کاگیسو ربادا نے 71 ٹیسٹ، 106 ون ڈے اور 70 ٹی ٹونٹی انٹرنیشنل میں جنوبی افریقا کی نمائندگی کر رکھی ہے، انہوں نے معین علی اور عادل رشید کے ساتھ ربادا نے حالیہ پوڈ کاسٹ میں کرکٹرز سے متعلق اپنی رائے کا اظہار کیا۔

(جاری ہے)

فاسٹ بولر سے کہا گیا کہ وہ ان بیٹرز کے نام بتائیں جن کے خلاف انہیں شاندار کیریئر کے دوران بولنگ کرنا سب سے مشکل تھا۔

ربادا نے بابر اعظم کا نام لیا اور کہا کہ وہ چٹان ہیں، انہوں نے ویرات کوہلی، جو روٹ، اسٹیو اسمتھ اور نیوزی لینڈ کے کین ولیمسن کو بھی مشکل بیٹر قرار دیا۔

فاسٹ بولر نے کہا کہ وارنر کو بیٹنگ کے انداز اور تیزی سے اسکور کرنے کی صلاحیت پر منتخب کیا۔

وارنر کی تعریف کرتے ہوئے ربادا نے کہا کہ وہ واحد کھلاڑی تھا جو میری گیند پر باآسانی کھل کر کھیلتا تھا، میں نے سوچا کہ ان کے سامنے بولنگ کرنا بہت مشکل ہے۔

Kagiso Rabada 🗣️

"Babar Azam is like a rock, especially when he’s playing in Pakistan. It feels like, man, how are you even going to get this guy out?#BabarAzam #PakistanCricket https://t.co/RCpyYbuQiG pic.twitter.com/JMzq5PsLbI
— Majid Fiftysix (@MajidFiftysix) September 29, 2025