اسلام آباد پولیس کا تھانہ سمبل کے مختلف علاقوں میں گرینڈ سرچ اینڈ کومبنگ آپریشن

پیر 4 اگست 2025 23:04

اسلام آباد (اُردو پوائنٹ اخبارتازہ ترین - اے پی پی۔ 04 اگست2025ء) اسلام آباد پولیس نے تھانہ سمبل کے مختلف علاقوں میں گرینڈ سرچ اینڈ کومبنگ آپریشن کیا۔ پولیس ترجمان کے مطابق اسلام آباد پولیس کا وفاقی دارالحکومت میں جرائم کے انسداد اور جرائم پیشہ عناصر کی سرکوبی کیلئے مختلف علاقوں میں سرچ اور کومبنگ آپریشنز کا سلسلہ جاری ہے۔اس سلسلہ میں تھانہ سمبل کے مختلف علاقوں میں گرینڈ سرچ اینڈ کومبنگ آپریشن کے دوران 120افراد، 70گھروں، 20موٹر سائیکلوں اور15 گاڑیوں کو چیک کیا گیا۔

(جاری ہے)

دوران سرچ آپریشن22مشتبہ افراد کو تھا نہ بھی منتقل کیا گیا۔ایس ایس پی آ پر یشنز اسلام آ باد محمد شعیب خا ن نے کہا کہ سرچ آپریشن کا مقصد جرائم پیشہ عناصر کے گرد گھیرا تنگ کرنااور شہر بھرمیں سکیورٹی کو موثر بنانا ہے، سرچ آپریشنز ضلع بھر کے مختلف علاقوں میں کئے جارہے ہیں، اسلام آباد پولیس کا جرائم پیشہ عناصر، قبضہ مافیا اور منشیات فروشوں کے خلاف بلاتفریق کارروائیوں کا سلسلہ جاری ہے۔ شہریوں سے گزارش ہے کہ کسی بھی مشکوک سرگرمی کے متعلق متعلقہ تھانہ، ایمرجنسی ہیلپ لائن''پکار-"15پر فوری اطلاع دیں۔