ٹرینیڈاڈ‘ ون ڈے سکواڈ کا آپشنل ٹریننگ سیشن، کھلاڑیوں کی بھرپور نیٹ پریکٹس

بدھ 6 اگست 2025 12:29

ٹرینیڈاڈ(اُردو پوائنٹ اخبارتازہ ترین - این این آئی۔ 06 اگست2025ء) قومی ون ڈے سکواڈ نے برائن لارا کرکٹ سٹیڈیم میں کوچز کی زیر نگرانی آپشنل ٹریننگ سیشن میں حصہ لیا جہاں کھلاڑیوں نے نیٹ پر بیٹنگ اور بولنگ پریکٹس کی۔

(جاری ہے)

ٹریننگ سیشن کے دوران باؤلرز اور بیٹرز نے تین گھنٹے تک بھرپور مشقیں کیں جبکہ کھلاڑیوں نے فیلڈنگ ڈرلز میں بھی شرکت کی تاکہ میچ سے قبل اپنی فٹنس اور مہارت کو بہتر بنایا جا سکے، سکواڈ کا یہ سیشن آئندہ میچ کی تیاریوں کا اہم حصہ تصور کیا جا رہا ہے۔

یاد رہے کہ گزشتہ روز پاکستان کرکٹ ٹیم کا ون ڈے سکواڈ فلوریڈا سے ٹرینیڈاڈ پہنچا جہاں وہ ویسٹ انڈیز کے خلاف تین میچز پر مشتمل ون ڈے سیریز کھیلے گا۔پاکستان اور ویسٹ انڈیز کے درمیان اب تین ون ڈے میچز پر مشتمل سیریز 8، 10 اور 12 اگست کو تروبہ (ویسٹ انڈیز) میں کھیلی جائے گی۔اس سے قبل پاکستان اور ویسٹ انڈیز کے درمیان امریکا میں تین ٹی 20 میچز پر مشتمل سیریز بھی کھیلی گئی تھی جسے پاکستان نے 1-2 سے اپنے نام کیا۔