دو روزہ اورینٹیشن کوچنگ کورس کا آغاز 22 اگست سے کراچی میں ہوگا

بدھ 6 اگست 2025 17:32

کراچی (اُردو پوائنٹ اخبارتازہ ترین - این این آئی۔ 06 اگست2025ء)پاکستان سٹوڈنٹس اولمپک ایسوسی ایشن زیر اہتمام دو روزہ چوتھا اورینٹیشن کوچنگ کورس 22 اگست سے منی اسپورٹس کمپلیکس، ناظم آباد، کراچی میں شروع ہو گا۔گزشتہ روز پاکستان سٹوڈنٹس اولمپک ایسوسی ایشن کے صدر مقبول آرائیں نے بتایا کہ کورس میں تھرو بال، کیچ بال، روپ سکیپنگ اور پکل بال کے کھیل رکھے گئے ہیں۔

انہوں نے کہا کہ دو روزہ کورس میں ملک بھر سے سپورٹس ٹیچرز،آفیشلز، کوچز اور کھلاڑی حصہ لیں گے۔

(جاری ہے)

بین الاقوامی اور قومی لیکچررز ، کھیلوں کے معززین روزانہ شام پانچ بجے سے شام ساڑھے سات بجے تک کھیلوں کے بنیادی اصول و ضوابط اور بین الاقوامی سطح پر مختلف کھیلوں کیلئے جسمانی طور پر کوچنگ کے بارے میں لیکچرز دیں گے۔ کوچنگ کورس کی اختتامی تقریب 23 اگست کو رات 8 بجے منعقد ہوگی جس میں اسناد تقسیم کی جائیں گی۔کورس میں شرکت کے لئے رجسٹریشن 10 سے 20 اگست 2025 تک کھلی رہے گی۔ کورس میں شرکت کرنے والے حضرات مزید معلومات حاصل کرنے کے لئے اس نمبر پر رابطہ کر سکتے ہیں: واٹس ایپ۔923213077577+ یاای میل: [email protected]پر رابطہ قائم کیا جا سکتا ہے