ائیرلائن کیتھے پیسیفک کا 8.1 ارب امریکی ڈالر مالیت کے 14 بوئنگ طیارے خریدنے کا اعلان

بدھ 6 اگست 2025 17:45

ہانگ کانگ(اُردو پوائنٹ اخبارتازہ ترین - این این آئی۔ 06 اگست2025ء)ہانگ کانگ کی فضائی کمپنی کیتھے پیسیفک نے 8.1 ارب امریکی ڈالر مالیت کے 14 بوئنگ 9-777 طیارے خریدنے کا اعلان کیا ہے، یہ کمپنی کا گزشتہ 12 برسوں میں امریکی طیارہ ساز کمپنی بوئنگ سے پہلا معاہدہ ہے۔

(جاری ہے)

فرانسیسی ٹی وی کی رپورٹ کے مطابق کمپنی نے ہانگ کانگ اسٹاک ایکسچینج میں جمع کرائی گئی فائلنگ میں بتایاکہ ہم نے 14 بوئنگ 9-777 طیارے خریدنے کے لیے اپنے پہلے سے موجود خریداری کے اختیارات استعمال کیے ہیں اور مزید 7 طیاروں کے حصول کا اضافی اختیار بھی محفوظ کر لیا ہے۔معاہدے کے مطابق یہ طیارے 2034 تک مرحلہ وار فراہم کیے جائیں گے۔