کولگام ، بھارتی فورسز کا آپریشن 7ویں روز بھی جاری ،لوگوں کو شدید مشکلات کا شکار

بھارتی فورسز نے آپریشن کے دوران تاحال کم از کم تین نوجوانوں کو شہیدکیا ہے جبکہ چار بھارتی فوجی بھی زخمی ہوئے

جمعرات 7 اگست 2025 14:08

سرینگر(اُردو پوائنٹ اخبارتازہ ترین - این این آئی۔ 07 اگست2025ء) بھارت کے غیر قانونی زیر قبضہ جموں وکشمیرکے ضلع کولگام میں بھارتی فورسز کی طرف سے محاصرے اور تلاشی کی پرتشدد کارروائی مسلسل ساتویں روز بھی جاری رہی۔

(جاری ہے)

کشمیر میڈیا سروس کے مطابق ضلع میںآکھرن دیوسر کے جنگلاتی علاقے میں تلاشی آپریشن کے دوران ڈرونز کیمروں،ہیلی کاپٹر اور ایلیٹ کمانڈوز کا استعمال کیا جا رہا ہے۔بھارتی فورسز نے آپریشن کے دوران تاحال کم از کم تین نوجوانوں کو شہیدکیا ہے جبکہ چار بھارتی فوجی بھی زخمی ہوئے ہیں۔آپریشن کے باعث علاقے کے لوگوں کو شدید مشکلات کا سامنا ہے اور وہ گھروں میں محصور ہو کر رہ گئے ہیں۔