مقبوضہ کشمیر، بھارتی سیکیورٹی فورسز کی بس کھائی میں جا گری، 3 ہلاک

بس ضلع ادھم پور میں بسنت گڑھ کے علاقے کنڈوا کے قریب سے گزر رہی تھی،بھارتی میڈیا

جمعرات 7 اگست 2025 17:11

سری نگر(اُردو پوائنٹ اخبارتازہ ترین - این این آئی۔ 07 اگست2025ء)مقبوضہ کشمیر کے علاقے ادھم پور میں بھارتی سیکیورٹی فورسز کی بس کھائی میں جا گری، واقعے میں 3 اہلکار ہلاک جبکہ 15 زخمی ہوگئے۔

(جاری ہے)

بھارتی میڈیا کے مطابق بس ضلع ادھم پور میں بسنت گڑھ کے علاقے کنڈوا کے قریب سے گزر رہی تھی۔حادثے کا شکار ہونے والی بس میں 18 اہلکار سوار تھے۔بھارتی پولیس اہلکار ایس پی سندیپ بھٹ نے بتایا کہ حادثے کے فوری بعد ریسکیو کا عمل شروع کردیا گیا ہے۔انہوں نے مزید بتایا کہ لاشوں اور زخمیوں کو اسپتال منتقل کردیا گیا ہے۔