راولپنڈی پولیس کی موثر پولیسنگ،اہلیہ کو قتل کرنے والے مجرم کوسزائے موت ، 5 لاکھ روپے ہرجانے کی سزا

جمعرات 7 اگست 2025 20:30

راولپنڈی (اُردو پوائنٹ اخبارتازہ ترین - اے پی پی۔ 07 اگست2025ء) راولپنڈی()راولپنڈی پولیس کی موثر پولیسنگ،اپنی اہلیہ کو قتل کرنے والے مجرم کو معزز عدالت سے سزائے موت، مجرم ثاقب جمیل کو قتل کے جرم میں سزائے موت اور 5 لاکھ روپے ہرجانے کی سزا سنائی گئی۔

(جاری ہے)

تفصیلات کے مطابق اپنی اہلیہ کو قتل کرنے والے مجرم کو معزز عدالت نے سزائے موت کی سزا سنا دی، مجرم ثاقب جمیل کو قتل کے جرم میں سزائے موت اور 5 لاکھ روپے ہرجانے کی سزا سنائی گئی،مجرم نے گھریلو چپقلش و لڑائی جھگڑے پر اہلیہ کو قتل کیا تھا، مجرم نے اہلیہ کو چھری کے وار سے قتل کیا تھا،واقعہ کا مقدمہ اگست 2024 تھانہ چکری میں درج کیا گیا تھا،ٹھوس شواہد اور مقدمہ کی موثر پیروی کے پیش نظر معزز عدالت نے مجرم کو قرار واقعی سزا سنائی،سنگین مقدمہ میں مجرم کو قرار واقعی سزا ملنے پر سی پی او سید خالد ہمدانی نے ایس ایس پی انوسٹی گیشن اور تفتیشی و لیگل ٹیموں کو شاباش دی۔