گلگت، دیامر میں سیلاب کے دوران پتھروں میں پناہ لے کر محفوظ رہنے والی 2بچیوں کی ویڈیو وائرل

جمعرات 7 اگست 2025 20:40

گلگت (اُردو پوائنٹ اخبارتازہ ترین - این این آئی۔ 07 اگست2025ء)گلگت بلتستان کے علاقے دیامر میں طوفانی سیلاب کے دوران پتھروں میں پناہ لیکر بچ جانے والی 2بچیوں کی ویڈیو سوشل میڈیا پر وائرل ہو گئی۔

(جاری ہے)

ذرائع کے مطابق دیامر میں چند روز قبل طوفانی سیلاب میں 2معصوم بچیاں پھنس گئی تھی، پانی کے تیز بہا کی وجہ سے بچیوں کو باہر نکالنا ممکن نہیں تھا، اس دوران دونوں بچیاں پانی سے بچنے کے لیے پتھروں پر ڈر کر بیٹھی رہیں۔

قریب موجود مقامی افراد نے بچیوں کے سیلاب میں پھنسنے کی ویڈیو بھی ریکارڈ کر لی، جس میں دیکھا جا سکتا ہے کہ دونوں اطراف سے پانی تیزی کے ساتھ بہہ رہا ہے اور درمیان میں موجود بڑے بڑے پتھروں پر 2 بچیاں خوف کے عالم میں بیٹھی ہوئی ہیں۔مقامی افراد کے مطابق خوش قسمتی سے سیلاب کا بہا کم ہونے کے بعد دونوں بچیوں کو وہاں سے ریسکیو کر لیا گیا تھا۔