نیلم،جشن آزادی سپورٹس فیسٹیول سیز ن2 کے مقابلہ جات آرسی گراؤنڈ شاہکوٹ میں جاری

جمعہ 8 اگست 2025 14:40

نیلم(اُردو پوائنٹ اخبارتازہ ترین - این این آئی۔ 08 اگست2025ء)جشن آزادی سپورٹس فیسٹیول سیز ن2 کے مقابلہ جات آرسی گراؤنڈ شاہکوٹ میں جاری ہیں، پاک فوج، محکمہ سپورٹس، ڈسٹرکٹ انتظامیہ، پرائیویٹ بزنس مین اور لوکل کمیونٹی کے اشتراک سے کھیلوں کے مقابلہ جات کاسلسلہ جاری ہے۔ جشن آزادی سپورٹس فیسٹیول 4 سے 14 اگست 2025 آرسی گراؤنڈ شاہکوٹ، بوائز ڈگری کالج آٹھ مقام، ہائی سکول جورا میں تقریبات منعقد ہوں گی۔

(جاری ہے)

آزادی سپورٹس فیسٹیول میں 10 سے زائد قومی، ریاستی و لوکل کھیلوں کے مقابلہ جات میں درجنوں ٹیمیں شرکت کریں گی۔ 14اگست کو فائنل میچز کھیلے جائیں گے۔ رنر اپ اور فاتح ٹیموں کو نقد انعامات کیساتھ ساتھ ٹرافیاں بھی دی جائیں گی۔ اختتامی تقریبات آرسی گراؤنڈ شاہکوٹ میں منعقد ہونگی جس میں عوامی نمائندوں کیساتھ ساتھ عسکری وسول حکام کثیرتعداد میں شرکت کریں گے۔ یوم پاکستان 14 اگست کو قومی جوش و جذبہ کیساتھ منانے کیلئے پاک آرمی کے سنگ، محکمہ سپورٹس، ڈسٹرکٹ انتظامیہ، پرائیویٹ بزنس مین اور لوکل کمیونٹی نے نوجوانوں میں کھیلوں کے مقابلہ جات رکھے ہیں رنر اپ اور فاتح ٹیموں کو شاندار انعامات سے نوازاجائے گا۔