دنیا بھر میں تھروبال کا عالمی دن 17 اگست کو منایا جائے گا

جمعہ 8 اگست 2025 23:08

اسلام آباد (اُردو پوائنٹ اخبارتازہ ترین - اے پی پی۔ 08 اگست2025ء) دنیا بھر میں تھروبال کا عالمی دن 17 اگست کو منایا جائے گا۔گزشتہ روز ورلڈ تھروبال فیڈریشن کے صدر اور پاکستان تھروبال فیڈریشن کے سیکرٹری جنرل مقبول آرائیں نے بتایا کہ دنیا بھر کی طرح پاکستان میں بھی تھروبال کا عالمی دن 17 اگست کو منایا جائےگا جس کی تیاریاں شروع کردی گئی ہیں اور اس دن ملک بھر میں تھروبال کےنمائشی مقابلے منعقد کروائے جائیں گے ۔

(جاری ہے)

اس سلسلہ میں فیڈریشن سے منسلک تمام متعلقہ اداروں، صوبائی اور ریجنل ایسوسی ایشنز کو ہدایات جاری کر دی گئیں۔ نمائشی مقابلے اسلام آباد، کراچی، لاہور، کوئٹہ، پشاور، مظفرآباد، گلگت سمیت ملک کے دوسرے شہروں میں بھی منعقد کروائے جائیں گے۔ مقابلوں کے اختتام پر کامیابی حاصل کرنےوالے کھلاڑیوں میں انعامات تقسیم کئے جائیں گے۔