جموں و کشمیر،کشتواڑ اور ڈوڈہ اضلاع میں بھارتی پولیس کا بڑے پیمانے پر کریک ڈائو ن ، درجنوں گھروں پر چھاپے

ہفتہ 9 اگست 2025 13:26

جموں (اُردو پوائنٹ اخبارتازہ ترین - اے پی پی۔ 09 اگست2025ء) بھارت کے غیر قانونی زیر تسلط جموں وکشمیر میں بھارتی پولیس نے کشتواڑ اور ڈوڈہ اضلاع میں بڑے پیمانے پر کریک ڈائون شروع کیا ہے اور کئی گھروں پر چھاپے مارے ہیں۔

(جاری ہے)

کشمیرمیڈیاسروس کے مطابق پولیس نے ضلع کشتواڑ میں 26 گھروں پر چھاپے مارے جن میں محمد امین بھٹ کی رہائش گاہ بھی شامل ہے ۔ڈوڈ ہ میں بھی پولیس نے 15مقامات پر چھاپے مارے اور مکینوں کو نہ صرف ہراساں کیا بلکہ املاک کی دستاویزات، موبائل فون اور لیب ٹاپ وغیرہ ضبط کر لیے۔