حلقہ پی پی 87میانوالی سے اپوزیشن لیڈر کے نااہل ہونے پر خالی نشست پر 18ستمبر کو پولنگ ہو گی

چار خواتین سمیت 19امیدواروں نے کاغذات نامزدگی کروائے،ریٹرننگ آفسر 26اگست کو انتخابی نشانات الاٹ کریگا

ہفتہ 9 اگست 2025 15:24

سرگودھا(اُردو پوائنٹ اخبارتازہ ترین - این این آئی۔ 09 اگست2025ء)سرگودھا ریجن کے صوبائی حلقہ پی پی 87میانوالی سے اپوزیشن لیڈر پنجاب اسمبلی ملک احمد خان بچھر کے نااہل ہونے پرخالی نشست پر 18ستمبر کو ضمنی الیکشن کیلئے پولنگ ہو گی ،جس کیلئے چار خواتین سمیت 19امیدواروں نے اپنے کاغذات نامزدگی کروائے ،جن کو ریٹرننگ آفسر 26اگست کو انتخابی نشانات الاٹ کر کے پولنگ کے انتظامات مکمل کروائیں گے۔

(جاری ہے)

ذرائع کے مطابق سرگودھا ریجن کے صوبائی حلقہ پی پی 87میانوالی سے اپوزیشن لیڈر پنجاب اسمبلی ملک احمد خان بچھر کے عدالت سے 9مئی کے مقدمہ میں دس سال سزا پر نااہل قرار ہونے سے ان کی خالی نشست پر 18ستمبر کو ضمنی الیکشن ہو گا ،جس کیلئے چار خواتین سمیت 19امیدواروں نے ڈسٹرکٹ ریٹرننگ افسر کو اپنے کاغذات نامزدگی جمع کروائے ،جن کی جانچ پڑتال پر حتمی فہرست امیدواران جاری کر کے 26اگست کو انتخابی نشانات الاٹ کئے جائیں گے اور پولنگ عملہ تعینات کر کے 18ستمبر کو ضمنی الیکشن کے لئے سخت سیکورٹی انتظامات کئے جائیں گے۔