صوبائی وزیر صحت خواجہ سلمان رفیق کا پی کے ایل آئی راولپنڈی کا دورہ

ہفتہ 9 اگست 2025 16:59

راولپنڈی (اُردو پوائنٹ اخبارتازہ ترین - اے پی پی۔ 09 اگست2025ء) صوبائی وزیر صحت خواجہ سلمان رفیق نے پاکستان کڈنی اینڈ لیور انسٹیٹیوٹ( پی کے ایل آئی ) راولپنڈی کا دورہ کیا۔ صوبائی وزیر صحت خواجہ سلمان رفیق نے پی کے ایل آئی کے مختلف شعبہ جات کا معائنہ اور جاری کام کا جائزہ لیا۔ انہوں نے سی اینڈ ڈبلیو کے افسران کو جلد کام مکمل کرنے کی ہدایت کی۔

ڈین پی کے ایل آئی نے جاری پیش رفت پر صوبائی وزیر کو بریفنگ دی۔ اس موقع پر صوبائی وزیر صحت خواجہ سلمان رفیق نیاظہار خیال کرتے ہوئے کہا کہ پی کے ایل آئی راولپنڈی میں بین الاقوامی سطح کی طبی سہولیات فراہم کی جائیں گی، وزیر اعلیٰ پنجاب مریم نواز شریف کے ویژن کے مطابق عوام تک صحت کی بہترین سہولیات کی فراہمی کیلئے کوشاں ہیں، پی کے ایل آئی راولپنڈی میں گردونواح کے علاوہ خیبر پختونخوا، گلگت بلتستان، شمالی علاقہ جات اور کشمیر سے آنے والے مریضوں کو بہترین طبی سہولیات فراہم کی جائیں گی۔

(جاری ہے)

خواجہ سلمان رفیق نے کہا کہ پی کے ایل آئی راولپنڈی کی او پی ڈی مریضوں کیلئے مکمل فعال ہے، وزیر اعلیٰ پنجاب مریم نواز شریف کی جانب سے پی کے ایل آئی راولپنڈی اس ریجن کے عوام کیلئے بے مثال تحفہ ہو گا، رواں سال کے آخر تک اس ہسپتال میں جگر اور گردوں کے ٹرانسپلانٹ شروع ہو جائیں گے۔