خیبرپختونخواکے بیشتر اضلاع میں آئندہ 24 گھنٹوں کے دوران بارش کا امکان

پشاور، مردان ، نوشہرہ ، چارسدہ ، صوابی ، چترال ، سوات ، دیر ، شانگلہ میں بارش کا امکان ہے،محکمہ موسمیات

ہفتہ 9 اگست 2025 22:03

پشاور(اُردو پوائنٹ اخبارتازہ ترین - این این آئی۔ 09 اگست2025ء)خیبرپختونخواکے بیشتر اضلاع میں آئندہ 24 گھنٹوں کے دوران بارش کا امکان ہے ، محکمہ موسمیات کے مطابق خیبر پختونخوا میں موسم مرطوب اور جزوی ابرآلود رہے گا ، صوبے کے بیشتر اضلاع میں آئندہ 24 گھنٹوں کے دوران بارش کا امکان ہے، پشاور، مردان ، نوشہرہ ، چارسدہ ، صوابی ، چترال ، سوات ، دیر ، شانگلہ میں بارش کا امکان ہے۔

(جاری ہے)

بٹگرام ، ہنگو ، اورکزئی ، کرم ، باجوڑ ، مانسہرہ ، ایبٹ آباد میں بھی بارش ہو گی ، محکمہ موسمیات کے مطابق ٹانک ، ڈی آئی خان ، کرک ، لکی مروت ، بنوں ، شمالی و جنوبی وزیر ستان میں بھی بارش کا امکان ہے۔ گذشتہ روز ایبٹ آباد ، سوات ، دیر ، پارا چنار اور نوشہرہ میں بارش ہوئی ، پارا چنار میں 35 ،مالم جبہ میں 7 ، کاکول میں 6 ، کالام اور چراٹ میں 3 ملی میٹر بارش ہوئی ، پشاور کا کم سے کم درجہ حرارت 26 ڈگری سینٹی گریڈ ریکارڈکیا گیا سب سے کم درجہ حرارت مالم جبہ میں 5 ،کالام میں 17 ڈگری سینٹی گریڈ ریکارڈ کیا گیا ۔