یوکرین علاقہ چھوڑے تو اسے نیٹو رکن بنانیکا وعدہ کیاجائے، یورپی ممالک کی امریکا کو تجویز

اتوار 10 اگست 2025 15:40

برسلز(اُردو پوائنٹ اخبارتازہ ترین - این این آئی۔ 10 اگست2025ء)یورپی ممالک نے الاسکا میں طے ٹرمپ پیوٹن ملاقات کا خیرمقدم کیا ہے تاہم تجویز پیش کی ہے کہ کسی بھی اقدام سے پہلے جنگ بندی کی جائے اور یوکرین کو روس کے زیرقبضہ اپنا علاقہ چھوڑنا پڑے تو یوکرین کو تحفظ دینے کی خاطر اسے نیٹو رکن بنانے کاوعدہ کیاجائے۔

(جاری ہے)

فرانس، جرمنی، برطانیہ، اٹلی، پولینڈ، فن لینڈ اور یورپی کمیشن کی صدر نے مشترکہ بیان جاری کردیا جس میں یوکرین میں جنگ روکنے، دیرپا امن اور سلامتی کیلییٹرمپ کی کوششوں کا خیرمقدم کیا گیا ہے۔

مشترکہ بیان میں کہاگیاکہ یوکرین میں امن کے راہ کا فیصلہ یوکرین کے بغیر نہیں ہوسکتا، سفارتکاری، یوکرین کی مدد اور روس پر دبا ئوسے ہی جنگ روکی جاسکتی ہے اور سفارتکاری کیساتھ ساتھ یوکرین کی فوجی اور مالی مددکیلییتیار ہیں۔بیان میں کہاگیاکہ یوکرین کو اپنی تقدیر کے انتخاب کی آزادی ہے اور ہم سب اس عالمی اصول پر کار بند ہیں کہ بین الاقوامی سرحدوں کوبزور طاقت تبدیل نہیں کیا جانا چاہیے۔