۔کراچی شہر کے مختلف اضلاع میں غیر قانونی تعمیرات کے خلاف کارروائیاں، پانچ عمارتوں کے غیر قانونی حصے مسمار اور ایک دکان سیل

اتوار 10 اگست 2025 18:00

8کراچی (اُردو پوائنٹ اخبارتازہ ترین - آن لائن۔ 10 اگست2025ء)کراچی شہر کے مختلف اضلاع میں غیر قانونی تعمیرات کے خلاف کارروائیاں، پانچ عمارتوں کے غیر قانونی حصے مسمار اور ایک دکان سیل کر دی گئی ۔

(جاری ہے)

شرجیل انعام میمن نے بتایا کہ گزری، گلشن اقبال، پی ای سی ایچ ایس میں غیرقانونی تعمیرات کے خلاف کارروائیاں کی گئیں،یہ کارروائیاں بلڈنگ قوانین کی کھلی خلاف ورزی کرنے والے مالکان کے خلاف کی گئیں، آپریشن بلا امتیاز جاری رہے گا،کارروائیاں مکمل شفافیت کے ساتھ جاری ہیں، مجموعی طور پر 357 سے زائد غیر قانونی تعمیرات کو منہدم کیا گیا، سندھ حکومت شہری منصوبہ بندی اور بلڈنگ قوانین پر عمل درآمد کے لیے سنجیدہ اقدامات اٹھا رہی ہے، شرجیل انعام میمن نے کہا کہ واضح ہدایت دے رکھی ہیں کہ کسی بھی قسم کی غیر قانونی تعمیر کو برداشت نہیں کیا جائے گا،چاہتے ہیں کہ شہر کو غیر قانونی تعمیرات اور تجاوزات سے مکمل طور پر پاک کیا جائے، انسداد تجاوزات کی یہ مہم شہر کے بنیادی ڈھانچے کو بہتر بنانے اور شہریوں کے تحفظ کے لیے ضروری ہے، غیر قانونی عمارتیں اکثر حفاظتی معیارات پر پورا نہیں اترتیں اور انسانی جانوں کے لیے خطرہ بن جاتی ہیں،شہری خود بھی رضاکارانہ طور پر غیر قانونی تعمیرات کو ہٹا دیں تاکہ کارروائی کی نوبت نہ آئے۔