آئی جی پنجاب کی جانب سے پولیس ملازمین واہلخانہ کے علاج کیلئے مزید 27 لاکھ 50 ہزار روپے کے فنڈز جاری

اتوار 10 اگست 2025 19:40

لاہور (اُردو پوائنٹ اخبارتازہ ترین - اے پی پی۔ 10 اگست2025ء) انسپکٹر جنرل پولیس پنجاب ڈاکٹر عثمان انور پولیس فورس اور ان کے اہل خانہ کی ہیلتھ ویلفیئر کیلئے پرعزم، پولیس ملازمین اور انکے اہلخانہ کے علاج معالجے کیلئے مزید 27 لاکھ 50 ہزار روپے فنڈز جاری کر دیئے۔ ترجمان پنجاب پولیس نے تفصیلات سے آگاہ کرتے ہوئے بتایا کہ سب انسپکٹر حسن رضا کو علاج معالجے کیلئے 07 لاکھ 65 ہزار روپے فنڈز جاری کیے گئے۔

اسی طرح مرحوم سب انسپکٹر عبدالقیوم کی بیوہ، مرحوم اے ایس آئی محمد عارف خان کی بیوہ کو کینسر اور کانسٹیبل شاہ زیب کو علاج معالجے کیلئے اڑھائی لاکھ روپے فی کس دیئے گئے۔ اے ایس آئی محمد رزاق کو کینسر کے علاج معالجے کیلئے 02 لاکھ روپے، سب انسپکٹر غازی محمد فاروق، اے ایس آئی رئوف یوسف، ہیڈ کانسٹیبل سیف الرحمان، پی ایس اے فہیم عباس، ڈرائیور کانسٹیبل ہمایوں اختر، کانسٹیبلز اعجاز حیدر، شاہزیب اصغر اور انور حسین کو علاج معالجے کی مد میں ایک لاکھ روپے فی کس دیئے گئے۔

(جاری ہے)

اسی طرح جونیئر کلرک عثمان احمد، ہیڈ کانسٹیبل اصغر فاروقی، شہید کانسٹیبل علی رضا کے والد اور خاکروب محمد فیاض کو علاج معالجے کیلئے مجموعی طور پر 02 لاکھ 35 ہزار روپے فنڈز جاری کیے گئے۔ آئی جی پنجاب نے میڈیکل فنانشل اسسٹنس کمیٹی کی سکروٹنی کے بعد فنڈ اجرا کی منظوری دی اور کہا کہ مختلف اداروں کے ساتھ ایم او یوز کے تحت بھی ملازمین کو علاج معالجے کی بہترین سہولیات فراہم کر رہے ہیں۔