شجاع آباد میں باپ کے ہاتھوں بیٹی،دو نواسوں ونواسی کا قتل،حنا پرویز بٹ کی سی پی او ملتان سے رپورٹ طلب

اتوار 10 اگست 2025 20:10

لاہور (اُردو پوائنٹ اخبارتازہ ترین - اے پی پی۔ 10 اگست2025ء) شجاع آباد میں باپ نے بیٹی، دو نواسوں اور ایک نواسی کو قتل کر دیا، وزیر اعلی پنجاب مریم نواز نے واقعہ کا نوٹس لے لیا، حنا پرویز بٹ نے سی پی او ملتان سے رپورٹ طلب کر لی۔ تفصیلات کے مطابق شجاع آباد میں پیش آنے والے لرزہ خیز واقعے میں ایک سفاک باپ نے اپنی حقیقی بیٹی،5 اور 3 سال کے دو نواسے اور دو ماہ کی ایک نواسی کو چھری سے گلا کاٹ کر قتل کر دیا۔

(جاری ہے)

وزیراعلی پنجاب مریم نواز کے نوٹس پر چیئرپرسن پنجاب وویمن پروٹیکشن اتھارٹی و رکن پنجاب اسمبلی حنا پرویز بٹ نے سی پی او ملتان سے واقعے کی مکمل رپورٹ طلب کر لی ہے۔پولیس رپورٹ کے مطابق ملزم نے پسند کی شادی کرنے اور اپنے شوہر سے طلاق نہ لینے کی بنا پر اپنی بیٹی اور اس کے تینوں معصوم بچوں کو بے رحمی سے گلا کاٹ کر قتل کیا۔ پولیس نے ملزم کو آلہ قتل سمیت گرفتار کر لیا ہے۔اس حوالے سے حنا پرویز بٹ کا کہنا ہے کہ خود اس کیس کی پیش رفت کی نگرانی کر رہی ہوں ، حکومت پنجاب انصاف کی فراہمی کو ہر صورت یقینی بنائے گی۔انہوں نے کہاکہ ''خواتین اور بچوں کے لیے محفوظ پنجاب'' ہمارا عزم ہے۔