پاکستان نے ہمیں جو آزادی دی وہ کسی دوسری قوم کو حاصل نہیں ہوئی، انجینئر محمد صادق خان

پیر 11 اگست 2025 17:43

اسلام آباد (اُردو پوائنٹ اخبارتازہ ترین - اے پی پی۔ 11 اگست2025ء) یوم آزادی، معرکہ حق کی مناسبت سے آزاد جموں و کشمیر سے تعلق رکھنے والے انجینئر محمد صادق خان نے کہا ہے کہ پاکستان نے ہمیں جو آزادی دی وہ کسی دوسری قوم کو حاصل نہیں ہوئی۔ پاکستان کی کہانی بیان کرتے ہوئے انہوں نے کہا آزادی کی قیمت قربانیاں دے کر چکائی گئی۔

(جاری ہے)

انہوں نے کہا کہ پاکستان "لا الہ الا اللہ محمد رسول اللہ" کے نام پر قائم ہوا،کشمیر کو آزاد کرانے والوں کا نظریہ بھی یہی تھا کہ یہ ملک اسلامی ہو۔

انجینئر محمد صادق خان نے کہا کہ اسلام کے نام پر ملک بننے کے بعد ہندوؤں کے ساتھ رہنے کا کوئی جواز نہ رہا،پاکستان بننے کی خبر ملتے ہی ہندوؤں نے مسلمانوں کو ختم کرنے کا منصوبہ بنایا۔ انہوں نے کہا کہ پاکستان نے ہمیں جو آزادی دی ہے وہ کسی دوسری قوم کو حاصل نہیں ہوئی۔ انجینئر محمد صادق خان نے یوم آزادی کے موقع پر جدوجہد آزادی کے ہیروز کو پوری قوم کا سلام بھی پیش کیا۔