اقوامِ متحدہ کی غزہ میں فلسطینی صحافیوں کے قتل کی مذمت

منگل 12 اگست 2025 10:00

اقوام متحدہ (اُردو پوائنٹ اخبارتازہ ترین - اے پی پی۔ 12 اگست2025ء) اقوام متحدہ نے غزہ میں فلسطینی صحافیوں کے قتل کی مذمت کرتے ہوئے کہا کہ اسرائیل صحافیوں کو نشانہ بنا کربین الاقوامی قوانین کی کھلی خلاف ورزی کررہا ہے۔

(جاری ہے)

شنہوا کے مطابق اقوام متحدہ کے سربراہ کے سربراہ انتونیو گوتریش کے ترجمان سٹیفن ڈوجارک نے کہاکہ سربراہ نے پیر کے روز غزہ پر اسرائیلی حملے میں الجزیرہ کے 5 صحافیوں کی ہلاکتوں پر تشویش کا اظہا رکیا۔

انہوں نے کہاکہ صحافیوں کو نشانہ بنانا آزاد صحافت، شفاف معلومات اور بین الاقوامی قوانین کی کھلی خلاف ورزی ہے۔ انہوں نے اس واقعے کی آزاد اور غیر جانبدارانہ تحقیقات کا مطالبہ کرتے ہوئے کہاکہ جنگ کے آغاز سے اب تک غزہ میں 240 سے زیادہ صحافی اسرائیلی جارحیت کے باعث مارے جا چکے ہیں ۔