روی چندرن ایشون نےآئی پی ایل سیزن میں شمولیت پر اپنی ٹیم چنائی سپر کنگز سے وضاحت طلب کر لی

منگل 12 اگست 2025 15:48

چنائی (اُردو پوائنٹ اخبارتازہ ترین - اے پی پی۔ 12 اگست2025ء) بھارت کی کرکٹ ٹیم کے سینئر سپنر روی چندرن ایشون نے انڈین پریمیئر لیگ (آئی پی ایل) کے سیزن 2026 میں شمولیت پر اپنی ٹیم چنائی سپر کنگز (سی ایس کے)سے وضاحت طلب کر لی ہے۔ 38 سالہ روی چندرن ایشون نے کہا ہے کہ اگر وہ ٹیم کے منصوبوں کے لئے موزوں نہیں تو وہ ٹیم سے علیحدگی کے لیے بھی تیار ہیں۔

روی چندرن ایشون نے آئی پی ایل 2025 میں چنائی سپر کنگز کے لئے9 میچ کھیلے ، جو ان کے کیریئر میں کسی سبھی سیزن کے سب سے کم میچ تھے ۔ اس سیزن میں ان کا اکانومی ریٹ بھی 9.12 رہا، جو ان کے کیریئر کا سب سے مہنگا سیزن ثابت ہوا۔یاد رہے کہ روی چندرن ایشون کو چنائی سپر کنگز نے گزشتہ سال کی نیلامی میں 9.75 کروڑ روپے میں خریدا تھا۔ وہ چنائی شہر سے تعلق رکھتے ہیں۔

(جاری ہے)

روی چندرن ایشون اس سے پہلے راجستھان رائلز، دہلی کیپیٹلز، پنجاب کنگز اور رائزنگ پونے سپرجائنٹ کے لیے کھیل چکے ہیں۔اپنے یوٹیوب شو میں گفتگو کرتے ہوئے ایشون نے کہا کہ ہر کھلاڑی اپنے مستقبل سے متعلق وضاحت چاہتا ہے۔ میں نے صرف وضاحت مانگی ہے کہ ٹیم مجھے کیسے دیکھتی ہے۔ اگر میں ان کے منصوبو ں کے لئے موزوں نہیں ہوں تو مجھے اس سے کوئی مسئلہ نہیں۔ واضح رہے کہ چنائی سپر کنگز کو اب دیگر اہم فیصلے بھی کرنا ہیں، جن میں کپتانی کا معاملہ بھی شامل ہے۔