جموں و کشمیر،ضلع سامبا میں دو ماہ کے لیے رات کا کرفیو نافذ

بدھ 13 اگست 2025 13:17

جموں (اُردو پوائنٹ اخبارتازہ ترین - اے پی پی۔ 13 اگست2025ء) بھارت کے غیر قانونی زیر تسلط جموں و کشمیر میں انتظامیہ نے جموں خطے کے ضلع سامبا میں آئندہ دو ماہ کے لیے رات کا کرفیو نافذ کر دیا ۔

(جاری ہے)

کشمیرمیڈیاسروس کے مطابق ڈسٹرکٹ مجسٹریٹ ایوشی سوڈن کی طرف سے جاری حکمنامے میں کہا گیا ہے کہ پابندی کا ورکنگ بائونڈری کے دو کلومیٹر کے اندر تمام علاقوں میں ہو گا،ا س کا مقصد بھارتی بارڈر سکیورٹی فورس کی کارروائیوں کو آسان بنانا ہے۔کرفیو رات 10بجے سے صبح 5بجے تک نافذ رہے گا۔ حکمنانے میں کہا گیا کہ صرف معقول وجوہات پر شہریوں کو نقل و حرکت کی اجازت ہوگی۔ حکمنامے کی خلاف ورزی کرنے والوں کو قانونی کارروائی کا سامنا کرنا پڑے گا۔