ایف آئی اے امیگریشن کی کوئٹہ ائیرپورٹ پر کارروائی، مطلوب ملزم بیرون ملک جانے کی کوشش میں گرفتار

بدھ 13 اگست 2025 13:19

کوئٹہ (اُردو پوائنٹ اخبارتازہ ترین - اے پی پی۔ 13 اگست2025ء) ایف آئی اے امیگریشن نے کوئٹہ ایئرپورٹ پرملزم کی بیرون ملک فرار کی کوشش ناکام بناتے ہوئے اسے گرفتارکرلیا۔

(جاری ہے)

ترجمان ایف آئی اے کے مطابق بدھ کے روز ایف آئی اے امیگریشن نے کوئٹہ ائرپورٹ پر کارروائی کرتے ہوئے سنگین جرم میں مطلوب ملزم محمدطاہر کی بیرون ملک فرار کی کوشش کوناکام بناتے ہوئے اسے گرفتارکرلیا،وہ پنجاب پولیس کو مطلوب تھااوردبئی فرار ہونے کی کوشش کررہاتھا، اس کے خلاف تھانہ محمد پور، راجن پور میں قتل کی دفعات کے تحت مقدمہ درج تھا ۔ملزم کے خلاف مختلف تھانوں میں متعدد مقدمات درج ہیں ، اس کا نام سٹاپ لسٹ میں شامل تھا۔ملزم کو بعد ازاں ایف آئی اے امیگریشن نے پنجاب پولیس حکام کے حوالے کردیا۔