سابق صدر عارف علوی کے خلاف مقدمہ درج کرنے کی درخواست نمٹا دی گئی

بدھ 13 اگست 2025 17:11

لاہور (اُردو پوائنٹ اخبارتازہ ترین - این این آئی۔ 13 اگست2025ء) سیشن عدالت لاہور نے سابق صدر پاکستان عارف علوی کے خلاف مقدمہ درج کرنے کی درخواست پر فیصلہ جاری کر دیا ۔ عدالت نے انکوائری افسر کو علما بورڈ کے موقف کی روشنی میں کارروائی کرنے کی ہدایت کردی ۔ایڈیشنل سیشن شفقت شہزاد راجہ نے شہزادہ عدنان کی درخواست پر فیصلہ سنایا ۔ درخواست گزار کی جانب سے مدثر چوہدری ایڈووکیٹ نے دلائل دیئے ۔

(جاری ہے)

عدالت نے انکوائری افسر کو ہدایت کرتے ہوئے درخواست نمٹا دی ۔عدالتی فیصلے کے مطابق ایف آئی اے کی جانب سے بتایا گیا کہ معاملہ فتوے کے لیے علما بورڈ کو بھیج دیا گیا ہے۔درخواست میں موقف اپنایا گیا تھا کہ عارف علوی نے غیر ملکی دورے کے دوران مذہب سے متعلق غیر مناسب الفاظ بولے، این سی سی اے سے رجوع کیا تو مقدمہ درج نہیں کیا گیا ، استدعا ہے کہ عدالت عارف علوی کے خلاف مقدمہ درج کرنے کا حکم دیا جائے۔