جی سی یونیورسٹی لاہور میں یوم آزادی کی تقریب

جمعرات 14 اگست 2025 19:15

لاہور (اُردو پوائنٹ اخبارتازہ ترین - این این آئی۔ 14 اگست2025ء)گورنمنٹ کالج یونیورسٹی لاہور میں پاکستان کے 78ویں یوم آزادی کے موقع پروقار تقریب کا انعقاد ، جس میں وائس چانسلر پروفیسر ڈاکٹر محمد عمر چوہدری نے پرچم کشائی کی۔ اس موقع پر اساتذہ، طلبا اور انتظامی عملے کی بڑی تعداد موجود تھی۔تقریب سے خطاب کرتے ہوئے وائس چانسلر نے قوم کو یوم آزادی کی مبارکباد دی اور کہا کہ ہمیں آزادی کی جدوجہد میں شہدا اور غازیوں کی قربانیوں کو ہمیشہ یاد رکھنا چاہیے۔

(جاری ہے)

انہوں نے کہا کہ پاکستان زندہ باد صرف ایک نعرہ نہیں بلکہ ایک عزم اور وعدہ ہے، جو ہم سے تقاضا کرتا ہے کہ ہم اپنے فرائض دیانت داری سے ادا کریں، چاہے وہ وطن کے لیے ہوں، اپنے ادارے کے لیے یا اپنے پیشہ وارانہ اور روزمرہ کے کاموں کے لیے۔انہوں نے کہا کہ آزادی اللہ تعالی کا انمول تحفہ ہے، جس کا شکر ادا کرنا ہم سب پر لازم ہے۔ آج ہم کھلی فضا میں سانس لے رہے ہیں، یہ ہمارے بزرگوں کی قربانیوں کا نتیجہ ہے۔ ہمیں آنے والے دنوں کے لیے بھی تیار رہنا چاہیے کیونکہ جنگی حالات میں درپیش چیلنجز طویل عرصے تک جاری رہ سکتے ہیں۔ اب وقت ہے کہ ہم دنیا کو ثابت کریں کہ ہم واقعی ایک زندہ قوم ہیں۔یوم آزادی کی تقریب میں ڈبیٹنگ سوسائٹی کے طلبا نے پرجوش تقاریر پیش کیں۔

Facebook Twitter Google + Share on Whatsapp

جی سی یونیورسٹی لاہور میں یوم آزادی کی تقریب

متعلقہ عنوان :

مزید قومی خبریں