Live Updates

خیبرپختونخوا،بارش اور سیلاب سے جاں بحق افراد کی تعداد 307 ہوگئی

جاں بحق افراد میں 279 مرد، 15 خواتین اور 13 بچے شامل ہیں،پی ڈی ایم اے

ہفتہ 16 اگست 2025 13:22

پشاور(اُردو پوائنٹ اخبارتازہ ترین - این این آئی۔ 16 اگست2025ء)خیبرپختونخوا میں 48 گھنٹوں میں بارش اور سیلاب سے ہونے والے نقصانات کی تفصیلات سامنے آگئیں۔پروونشل ڈیزاسٹر مینجمنٹ اتھارٹی (پی ڈی ایم ای) کے مطابق بارش اور سیلاب کے باعث حادثات میں جاں بحق افراد کی تعداد 307 ہوگئی ہے۔پی ڈی ایم اے نے بتایاکہ جاں بحق افراد میں 279 مرد، 15 خواتین اور 13 بچے شامل ہیں۔

(جاری ہے)

بونیر میں جاں بحق افراد کی تعداد 184 جبکہ 23 افراد زخمی ہیں۔ زخمیوں میں 17 مرد، 4 خواتین اور 2 بچے شامل ہیں۔پی ڈی ایم اے کے مطابق مجموعی طور پر 74 گھروں کو نقصان پہنچا ہے۔ 63 گھروں کو جزوی اور 11 گھر مکمل تباہ ہوئے ہیں۔بارشوں کا موجودہ سلسلہ 21 اگست تک جاری رہنے کا امکان ہے۔دوسری جانب پی ڈی ایم اے کا کہنا ہے کہ سوات بھر میں مجموعی طور پر 20 افراد جاں بحق ہوئے، ضلع بھر میں 2071 افراد کو ریسکیو کرلیا گیا ہے۔