چین نے اقوام متحدہ میں ایران کے خلاف پابندیوں کی مخالفت کردی

چین ایٹمی عدم پھیلاو اور خطے میں امن و استحکام کی حمایت کرے گا،ترجمان وزارت خارجہ

ہفتہ 16 اگست 2025 16:05

بیجنگ(اُردو پوائنٹ اخبارتازہ ترین - این این آئی۔ 16 اگست2025ء)ترجمان چینی وزارتِ خارجہ نے کہا ہے کہ چین اقوام متحدہ میں ایران کے خلاف پابندیوں کے حق میں نہیں ہے۔غیرملکی میڈیا کے مطاق چین وزارتِ خارجہ ترجمان کا کہنا ہے کہ چین ایران کے ایٹمی مسئلے کے پرامن حل کا حمایتی ہے۔

(جاری ہے)

چینی وزارتِ خارجہ کے ترجمان نے یورپین ممالک کی جانب سے اگست تک سفارتی حل نہ نکلنے کی صورت میں ایران پر پابندیوں کے انتباہ کے حوالے سے بات کرتے ہوئے کہا، چین ایران اقوام متحدہ میں ایران کے خلاف پابندیوں کے حق میں نہیں اور اس معاملے کے سیاسی اور پرامن حل پر زور دے گا۔

چینی دفتر خارجہ کے ترجمان کا کہنا تھا کہ ایران پر پابندیاں نافذ کرنے سے فریقین کے درمیان اعتماد کو نقصان پہنچے گا۔ترجمان نے مزید کہا کہ چین ایٹمی عدم پھیلا اور خطے میں امن و استحکام کی حمایت کرے گا۔