گلگت بلتستان کے ضلع غذر میں پاک فوج کا ریسکیو آپریشن مسلسل جاری

ہفتہ 16 اگست 2025 22:58

غذر(اُردو پوائنٹ اخبارتازہ ترین - آن لائن۔ 16 اگست2025ء)گلگت بلتستان کے ضلع غذر میں پاک فوج کا ریسکیو آپریشن مسلسل جاری ہے ،حالیہ شدید سیلاب کے نتیجے میں گاؤں خلتی، ضلع غذر کے 11 خاندان شدید متاثر ہوئے۔16 اگست 2025کو گاؤں گامیس میں 11 عارضی ٹینٹوں پر مشتمل ولیج قائم کیا گیا ہے۔ عارضی ٹینٹ ولیج میں متاثرہ خاندانوں کے لیے رہائش، کھانے پینے اور علاج معالجے کا بندوبست کیا گیا۔

(جاری ہے)

اس مشکل گھڑی میں پاک فوج نے ہمیشہ کی طرح اپنے عوام کے شانہ بشانہ کھڑے ہو کر بھرپور کردار ادا کیا۔پاک فوج،سول انتظامیہ اور جی بی ڈی ایم اے کی جانب سے متاثرہ خاندانوں میں ریلیف پیکجز تقسیم کیے گئے۔ ریسکیو آپریشن کے دوران پاک فوج، ریسکیو 1122، پولیس اور مقامی افراد کی مشترکہ کاوشیں جاری ہیں۔لاپتہ افراد کی تلاش اور متاثرہ خاندانوں کی بحالی کے لیے بھی اقدامات کئے جا رہے ہیں۔عوام کی جانب پاک فوج، سول انتظامیہ اور ریسکیو 1122 کے اس انسان دوست کردار کو سراہا جا رہا ہے۔