ژ*بنگلادیش ہاکی فیڈریشن نے ایشیاء کپ میں شرکت پر آمادگی ظاہر کر دی، ذرائع

اتوار 17 اگست 2025 16:55

aڈھاکہ (اُردو پوائنٹ اخبارتازہ ترین - آن لائن۔ 17 اگست2025ء)بنگلادیش ہاکی فیڈریشن نے ایشیاء کپ میں شرکت پر آمادگی ظاہر کر دی۔بی ایچ ایف کے ذرائع کے مطابق ایشیاء کپ کیلئے زبانی طور پر رابطہ کیا گیا ہے۔ایشیاء کپ میں شرکت کریں گے، تحریری دعوت نامے کے منتظر ہیں۔

(جاری ہے)

بی ایچ ایف کے آفیشل نے نجی ٹی وی سے گفتگو کرتے ہوئے کہا کہ بنگلادیش کو فرسٹ ریزرو ٹیم رکھا گیا تھا، ہمیں حتمی فیصلے کا انتظار ہے، اُمید ہے کہ ہمیں اگلے 48 گھنٹوں میں باقاعدہ بتا دیا جائے گا۔

ذرائع کے مطابق بنگلادیش کو پاکستان کے متبادل کے طور پر ایشیاء کپ میں شامل کیا جا رہا ہے، پاکستان ہاکی ٹیم کا موجودہ حالات میں بھارت جانا ممکن نہیں۔پاکستان ہاکی فیڈریشن بھی اگلے ایک دو روز میں باضابطہ اعلان کر دے گی۔واضح رہے کہ ایشیاء کپ ہاکی ٹورنامنٹ 27 اگست سے بھارت میں شیڈول ہے۔