پی آئی اے اور سری لنکن ایئر لائن کے درمیان انجینئرنگ سروسز کا معاہدہ طے پاگیا

معاہدے کے مطابق پی آئی اے سری لنکن ایئرلائن کو لاہور ایئر پورٹ پرانجینئرنگ سروسز فراہم کرے گی،ترجمان پی آئی اے

اتوار 17 اگست 2025 21:20

کراچی(اُردو پوائنٹ اخبارتازہ ترین - این این آئی۔ 17 اگست2025ء)پاکستان کی قومی ایئرلائن (پی آئی ای)اور سری لنکن ایئر لائن کے درمیان انجینئرنگ سروسز کا معاہدہ طے پاگیا،معاہدے کے مطابق پی آئی اے سری لنکن ایئرلائن کو لاہور ایئر پورٹ پرانجینئرنگ سروسز فراہم کرے گی۔معاہدے کے تحت لاہور میں سری لنکن کی چار ہفتہ وار پروازوں کو تکنیکی معاونت فراہم کی جائے گی۔

(جاری ہے)

پی آئی اے ترجمان کے مطابق یہ معاہدہ زرمبادلہ کے حصول میں اہم کردار ادا کرے گا۔حکام نے کہاکہ پی آئی اے کی انجینئرنگ خدمات سے استفادہ کرنا پی آئی اے کی انجینئرنگ صلاحیتوں پر بھر پور اعتماد کا مظہر ہے۔لاہور ایئر پورٹ پر طیارے میں منعقدہ تقریب میں سر ی لنکن ایئر لائن کے عملہ کے ساتھ کیک بھی کاٹا گیا۔ترجمان کے مطابق پی آئی اے انجینئرنگ پہلے ہی کئی ملکی و غیر ملکی ایئرلائنز کو خدمات فراہم کر رہی ہے۔