ایشیاء کپ: پاک بھارت میچز کی وجہ سے سپانسرشپ اور اشتہارات کے نرخ آسمان چھونے لگے

ٹی وی اشتہار کا ریٹ 10 سیکنڈز کا 16 لاکھ بھارتی روپے ہو گیا ، کوپریزینٹنگ پارٹنرشپ کا ریٹ 18 کروڑ بھارتی روپے ہے

ذیشان مہتاب پیر 18 اگست 2025 11:16

ایشیاء کپ: پاک بھارت میچز کی وجہ سے سپانسرشپ اور اشتہارات کے نرخ آسمان ..

لاہور (اردو پوائنٹ تازہ ترین اخبار ۔ 18 اگست 2025ء ) ایشیاء کپ 2025ء میں پاک بھارت میچز کی وجہ سے اسپانسرشپ اور اشتہارات کے نرخ آسمان سے باتیں کرنے لگے۔

بھارتی میڈیا کے مطابق پاک بھارت میچ کے دوران ٹی وی اشتہار کا ریٹ 10 سیکنڈز کا 16 لاکھ بھارتی روپے ہو گیا جب کہ کوپریزینٹنگ پارٹنرشپ کا ریٹ 18 کروڑ بھارتی روپے ہے۔

ایسوسی ایٹ پارٹنرشپ کا ریٹ 13 لاکھ بھارتی روپے رکھا گیا ہے اور اشتہار کے پیکیج کی قیمت 4.48 کروڑ بھارتی روپے ہے۔

(جاری ہے)

بھارتی میڈیا کے مطابق ڈیجیٹل ایڈ ریٹس میں کوپریزینٹنگ اور ہائی لائٹس پارٹنر 30، 30 کروڑ بھارتی روپے میں دستیاب ہے جب کہ کوپاورڈ پیکیج 18 کروڑ بھارتی روپے میں دستیاب ہے۔

رائٹس ہولڈرز کو ایشیاء کپ 2025ء کی ریکارڈ ویور شپ کی اُمید ہے۔

واضح رہے کہ ایشیاء کپ 9 ستمبر سے متحدہ عرب امارات (یو اے ای) میں شروع ہو گا۔ پاکستان اور بھارت ایک ہی گروپ میں شامل ہیں۔ پاک بھارت میچ 14 ستمبر کو شیڈولڈ ہے، سپر فور میں ممکنہ ٹاکرا 21 ستمبر کو ہوگا جب کہ روایتی حریفوں کے فائنل میں پہنچنے کی صورت میں پاک بھارت تیسرا ٹاکرا بھی ممکن ہے۔