چیئرمین پی سی بی کا قومی ہاکی ٹیم کے کھلاڑیوں کیلئے فی کس 10لاکھ روپے انعام کا اعلان

ہاکی پلیئرز کے ویزا ایشوز کو بھی حل کروایا جائے گا، ہماری لوجسٹک ٹیم اس ضمن میں ہاکی پلئیرز کو سہولت دے گی : وفاقی وزیر داخلہ محسن نقوی

ذیشان مہتاب پیر 18 اگست 2025 11:12

چیئرمین پی سی بی کا قومی ہاکی ٹیم کے کھلاڑیوں کیلئے فی کس 10لاکھ روپے ..

لاہور (اردو پوائنٹ تازہ ترین اخبار ۔ 18 اگست 2025ء ) وفاقی وزیر داخلہ اور چیئرمین پی سی بی محسن نقوی سے پاکستان ہاکی ٹیم کے کپتان عماد شکیل بٹ نے ملاقات کی اور قومی ہاکی کھلاڑیوں کے ویلفیئر اور پرو ہاکی لیگ کے ایشو پر بات کی۔

چیئرمین پی سی بی محسن نقوی نے ہاکی کے کھلاڑیوں کے لیے دس دس لاکھ روپے انعام کا بھی اعلان کیا۔

نجی ٹی وی جیو نیوز کے مطابق لاہور میں وفاقی وزیرداخلہ و چیئرمین پی سی بی محسن نقوی سے ملاقات میں قومی ہاکی ٹیم کے کپتان عماد شکیل بٹ نے نشان امتیاز ملنے پر انہیں مبارکباد دی۔

عماد بٹ نے محسن نقوی کو ہاکی کے کھیل کی بحالی اور پرو ہاکی لیگ میں شرکت کے ایشوز سے آگاہ کیا، انہوں نے ہاکی کے کھلاڑیوں کی ویلفیئر اور ری ہیب کے ایشوز پر بھی تبادلہ خیال کیا۔

(جاری ہے)