کن دو پلیئرز کو ایشیا کپ کیلئے ٹیم میں ہونا چاہیے تھا کامران اکمل نے بتادیا

بابر اور رضوان کو ٹیم میں جگہ دینی چاہیے تھی، ٹرائی سیریز کیلئے یہ ٹیم درست تھی، ایشیا کپ کیلئے ٹیم سوچ سمجھ کر بنانی چاہیے تھی‘انٹرویو

پیر 18 اگست 2025 14:08

کن دو پلیئرز کو ایشیا کپ کیلئے ٹیم میں ہونا چاہیے تھا کامران اکمل نے ..

کراچی(اُردو پوائنٹ اخبارتازہ ترین - این این آئی۔ 18 اگست2025ء) پاکستان کرکٹ ٹیم کے سابق وکٹ کیپر بیٹر کامران اکمل نے کہا ہے کہ ایشیا کپ کے لیے سینئر پلیئرز کو رکھنا چاہیے تھا۔

(جاری ہے)

تفصیلات کے مطابق سابق قومی کرکٹر کامران اکمل کا ایشیا کپ اسکواڈ کی سلیکشن کے حوالے سے اظہار خیال کرتے ہوئے کہنا تھا کہ بابر اور رضوان کو ٹیم میں جگہ دینی چاہیے تھی، ٹرائی سیریز کیلئے یہ ٹیم درست تھی، ایشیا کپ کے لیے ٹیم سوچ سمجھ کر بنانی چاہیے تھی۔

کامران اکمل نے کہا کہ بھارت کیخلاف میچ کو مدنظر رکھتے ہوئے ٹیم بنانا ضروری ہے، ٹیم کی حالیہ پرفارمنس کو پیش نظر رکھنا چاہیے۔انھوں نے کہا کہ سسٹم خراب ہوگیا ہے، میرٹ پر عمل نہیں کیا گیا 8 سال سے بلنڈر مار رہے تھے یہاں بھی مارا گیا۔سابق کرکٹر نے کہا کہ گزشتہ کئی سالوں سے پسند نہ پسند پر ٹیم سلیکٹ کی جا رہی ہے، نان کرکٹرز جب بورڈ میں آئیں گے تو ایسا ہی ہوگا۔