طبی امداد سی 130 طیارے کے ذریعے متاثرہ علاقوں کی جانب بھیج دی گئی ہے ، وفاقی وزیربرائے قومی صحت

پیر 18 اگست 2025 17:08

اسلام آباد (اُردو پوائنٹ اخبارتازہ ترین - این این آئی۔ 18 اگست2025ء)وفاقی وزیر صحت مصطفی کمال نے کہا ہے کہ وزارت صحت متاثرینِ سیلاب کو ہنگامی طبی امداد کی فراہمی کے لیے پرعزم ہے، طبی امداد سی 130طیارے کے ذریعے متاثرہ علاقوں کی جانب بھیج دی گئی ہے،بروقت اور مؤثر طبی کو یقینی بنانے کیلئے ہر ممکن اقدامات کو یقینی بنائیں گے۔

(جاری ہے)

اپنے بیان میں انہوں نے کہا کہ وزارت صحت کی جانب سے گلگت بلتستان کے سیلاب متاثرین کے لیے طبی سہولیات کی فراہمی کیلئے ضروری ادویات اور طبی سامان کا سٹاک بھیج دیا گیا ہے، سامان سی ون 30 طیارے کے ذریعے متاثرہ علاقوں کی جانب بھیجا گیا ہے۔

انہوں نے کہا کہ موجودہ ناگہانی صورتحال پر قابو پانے کے لیے وزارت صحت این ڈی ایم اے اور صوبائی حکومت کے ساتھ مسلسل رابطے میں ہے،وزارت صحت مشکل کی اس گھڑی میں خیبر پختونخوا اور گلگت بلتستان کے عوام کے ساتھ کھڑی ہے۔