خیبرپختونخوا میں پولیو سے متاثرہ بچوں کی تعداد13ہوگئی،صوبائی محکمہ صحت

پیر 18 اگست 2025 17:22

پشاور (اُردو پوائنٹ اخبارتازہ ترین - اے پی پی۔ 18 اگست2025ء) خیبرپختونخوا میں پولیو سے متاثرہ بچوں کی تعداد13ہوگئی۔ اس حوالے سے محکمہ صحت خیبرپختونخوا نے رپورٹ جاری کر دی ہے، جس میں بتایا گیاہے کہ خیبرپختونخواکے ضلع کوہستان لوئرکی یونین کونسل پٹن میں چھ سال کی عمر کی ایک بچی میں پولیو وائرس کی تصدیق ہوئی ہے۔

(جاری ہے)

محکمہ صحت کے مطابق خیبر پختونخوا میں پولیو کیسز کی تعداد 13ہوگی، بنوں اور لکی مروت سےتین تین،ٹانک اور شمالی وزیرستان سے دودو کیس، جبکہ تورغر، ڈیرہ اسماعیل خان اورلوئر کوہستان سے ایک ایک کیس سامنے آچکاہے۔

محکمہ صحت خیبرپختونخوا کی رپورٹ میں بتایا گیا ہے کہ رواں سال ملک بھر میں پولیو کیسز کی مجموعی تعداد 21ہوگی، خیبرپختونخوا سے 13،سندھ سے چھ،پنجاب اور گلگت بلتستان سے ایک ایک پولیو کیس رپورٹ ہوئے۔