راولپنڈی اور چکوال سمیت پنجاب کے دیگر علاقوں میں 5.2 درجہ شدت کے زلزلے کے جھٹکے

منگل 19 اگست 2025 13:56

لاہور (اُردو پوائنٹ اخبارتازہ ترین - اے پی پی۔ 19 اگست2025ء) راولپنڈی اور چکوال سمیت پنجاب کے دیگر علاقوں میں منگل کے روز زلزلے کے جھٹکے محسوس کئے گئے ۔ریکٹر سکیل پر زلزلے کی شدت 5.2 ریکارڈ کی گئی ۔ترجمان پی ڈی ایم اے کے مطابق زلزلے کا مرکز افغانستان ہندو کش رینج اور گہرائی 190 کلومیٹر تھی۔

(جاری ہے)

پی ڈی ایم اے کی ابتدائی رپورٹ کے مطابق ابھی تک صوبے بھر میں زلزلے سے کسی نقصان کی اطلاع موصول نہیں ہوئی ۔ڈی جی عرفان علی کاٹھیا نے کہا ہے کہ پی ڈی ایم اے کے صوبائی کنٹرول روم سمیت پنجاب بھر کے ضلعی ایمرجنسی آپریشن سنٹرز مسلسل الرٹ ہیں۔پنجاب بھر کی انتظامیہ عمارتوں کی چیکنگ میں مصروف ہے۔زلزلہ سے نقصانات کی اطلاع پی ڈی ایم اے کی ہیلپ لائن 1129 پر دی جا سکتی ہے۔