یوکرینی صدر کا نیا انداز، امریکی صدر اور میڈیا کی توجہ کا مرکز بن گیا

ملاقات کے دوران ایک بار پھر امریکی رپورٹر نے زیلینسکی کے لباس پر تبصرہ کیا،رپورٹ

منگل 19 اگست 2025 16:35

واشنگٹن (اُردو پوائنٹ اخبارتازہ ترین - این این آئی۔ 19 اگست2025ء)امریکی صدر ڈونلڈ ٹرمپ سے ملاقات کے دوران یوکرین کے صدر ولادیمیر زیلینسکی کا تھری پیس سوٹ خاص توجہ کا مرکز بن گیا۔ گزشتہ روز یوکرینی صدر اور امریکی صدر کی الاسکا میں ملاقات ہوئی۔ملاقات کا مقصد روس اور یوکرین کے درمیان گزشتہ تین سال سے زائد عرصے سے جاری جنگ کے حوالے سے اہم مذاکرات اور بات چیت کرنا تھا۔

(جاری ہے)

اس ملاقات کے دوران ایک بار پھر امریکی رپورٹر نے زیلینسکی کے لباس پر تبصرہ کیا۔صحافی برائن گلین نے زیلینسکی کی تعریف کرتے ہوئے کہا، آپ اس سوٹ میں بہت شاندار لگ رہے ہیں۔صحافی کی اس تعریف پر صدر ٹرمپ نے گفتگو میں مداخلت کرتے ہوئے کہا کہ میں نے بھی یہی کہا تھا۔ٹرمپ نے زیلینسکی کو یاد دلایا کہ یہی صحافی چند ماہ قبل ان پر تنقید کر چکا ہے، ٹرمپ کے اس جملے کے بعد کمرہ صحافیوں اور امریکی حکام کے قہقہوں سے گونج اٹھا۔اس پر زیلینسکی نے مسکراتے ہوئے جواب دیا، مجھے یاد ہے، آپ نے بھی وہی سوٹ پہنا ہوا ہے۔