آذربائیجان کے دفاعی وفد کا ایئر ہیڈ کوارٹرز کا دورہ ، باہمی دلچسپی کے امور پر تبادلہ خیال

منگل 19 اگست 2025 21:10

راولپنڈی (اُردو پوائنٹ اخبارتازہ ترین - این این آئی۔ 19 اگست2025ء) آذربائیجان کے اعلیٰ سطح کے دفاعی وفد نے ائیر ہیڈ کوارٹرز کا دورہ کیا ۔آئی ایس پی آر کے مطابق آذربائیجان کے نائب وزیراعظم اور ڈی جی ڈیفنس اگل گربانوف نیوفد کے ہمراہ ایئر چیف مارشل ظہیر احمد بابر سدھو سے ملاقات کی ، اس دوران باہمی دلچسپی کے امور پر وسیع اور نتیجہ خیز بات چیت کی گئی۔

(جاری ہے)

ترجمان پاک فوج نے کہا کہ ملاقات میں دفاعی تعاون، تربیت، جدت اور تکنیکی مہارت پر تفصیلی تبادلہ خیال ہوا جب کہ ایئرچیف نے آذربائیجانی وفد کو خوش آمدید کہا، ایئرچیف نے دونوں ممالک کے مذہبی، ثقافتی اور تاریخی برادرانہ تعلقات کو اجاگر کیا۔آئی ایس پی آر کے مطابق اپنی گفتگو کے دوران ایئر چیف نے وفد کو پاک فضائیہ کی آپریشنل تیاری، اہداف اور مستقبل کی جنگی تیاریوں بارے آگاہ کیا۔ملاقات کے آخر میں ایئر چیف نے آذربائیجان کی فضائیہ کی آپریشنل ٹریننگ اور صلاحیت بڑھانے میں مدد کیلئے حمایت کا بھی اعادہ کیا۔