مسابقتی کمیشن نے ایچ اے فائبر اور حسین ٹیکسٹائل ملز کے انضمام کی منظوری دے دی

بدھ 20 اگست 2025 17:34

اسلام آباد (اُردو پوائنٹ اخبارتازہ ترین - اے پی پی۔ 20 اگست2025ء) کمپٹیشن کمیشن آف پاکستان نے ایچ اے فائبر (پرائیویٹ) لمیٹڈ کے حسین ٹیکسٹائل ملز (پرائیویٹ) لمیٹڈ میں انضمام کی منظوری دے دی ہے۔ اس ٹرانزیکشن کے تحت ایچ اے فائبر حسین ٹیکسٹائل ملز پرائیویٹ لمیٹڈ میں ضم ہو جائے گی۔

(جاری ہے)

حسین ٹیکسٹائل ملز 2004ء میں رجسٹر ہوئی اور ٹیکسٹائل کے شعبے میں دھاگے کی تیاری اور فروخت سے منسلک ہے جبکہ ایچ اے فائبر 2006ء میں قائم ہوئی اور دھاگے کی تیاری سے ہی منسلک ہے۔

کمیشن نے مجوزہ ٹرانزیکشن کے جائزے کے بعد قرار دیا کہ اس ٹرانزیکشن سے یارن اور دھاگے کی پیداوار کی مارکیٹ میں مقابلے میں کسی قسم کی کمی واقع نہیں ہو گی۔ دونوں کمپنیوں کا مشترکہ مارکیٹ شیئر بھی محدود ہے اور اس انضمام سے حسین ٹیکسٹائل کو سیکٹر میں غالب حیثیت حاصل نہیں ہو گی، لہٰذا کمیشن نے تمام دستیاب معلومات اور تجزیے کی بنیاد پر اس مجوزہ انضمام کی منظوری دے دی ہے۔