گورنر فیصل کریم کنڈی کی ہدایت پر انجمن ہلال احمر صوبہ کے فلش فلڈ اضلاع میں امدادی سرگرمیوں میں مصروف

بدھ 20 اگست 2025 22:10

پشاور (اُردو پوائنٹ اخبارتازہ ترین - اے پی پی۔ 20 اگست2025ء) گورنر خیبر پختونخوا فیصل کریم کنڈی کی ہدایت پر انجمن ہلال احمر خیبر پختونخوا صوبہ کے فلش فلڈ اضلاع میں امدادی سرگرمیوں میں مصروف عمل ہے۔

(جاری ہے)

گورنر ہاؤس پشاور سے جاری بیان کے مطابق انجمن ہلال احمر کی جانب سے متاثرین کی مدد کا سلسلہ جاری ہے، بونیر میں متاثرین میں 1200 افراد میں تیار کھانا تقسیم کیا گیاجبکہ اس کے علاوہ مانسہرہ، سوات کے متاثرین میں ٹینٹس، کمبلز کی تقسیم کا عمل بھی جاری ہے، بونیر میں روزانہ کی بنیاد پر 50 ہزار لیٹر صاف پانی کی فراہمی کی استعداد رکھنے والے واٹر فلٹریشن پلانٹ تنصیب کئے جارہے ہیں جبکہ بونیر کے متاثرین میں روزمرہ اشیائے ضروریہ کی تقسیم اور تکنیکی ماہرین پر مشتمل 2 ایمبولینسز طبی امداد کی فراہمی میں بھی مصروف عمل ہیں۔

گورنر خیبر پختونخوا فیصل کریم کنڈی نے انجمن ہلال احمر کی امدادی سرگرمیوں کو سراہا ہے اور روزانہ کی بنیاد پر متاثرین کی ہر ممکن امداد یقینی بنانے کی ہدایت کی ، انہوں نے کہا کہ متاثرین کو کسی صورت تنہا نہیں چھوڑا جائے گا۔