وفاقی وزیر جام کمال خان چار روزہ سرکاری دورے پر ڈھاکہ پہنچ گئے

جمعرات 21 اگست 2025 00:20

اسلام آباد (اُردو پوائنٹ اخبارتازہ ترین - اے پی پی۔ 21 اگست2025ء) وفاقی وزیر تجارت جام کمال خان چار روزہ سرکاری دورے پر ڈھاکہ پہنچ گئے۔ جام کمال خان کا دورہ 21 سے 24 اگست تک جاری رہے گا۔ڈھاکہ ائیرپورٹ پر بنگلہ دیشی مشیر تجارت شیخ بشیر الدین اور پاکستانی ہائی کمشنر عمران حیدر نے وفاقی وزیر کااستقبال کیا۔

(جاری ہے)

وفاقی وزیر تجارت اپنے دورے کے دوران پاکستان اور بنگلہ دیش کے درمیان تجارتی تعلقات مضبوط بنانے اور دو طرفہ تجارت میں اضافے پر بات چیت کریں گے ۔

جام کمال خان دورے کے دوران اپنے بنگلہ دیشی ہم منصب سے اعلیٰ سطح کی ملاقات بھی کریں گے ،اس کے علاوہ حکومتی شخصیات اور کاروباری رہنماؤں سے بھی ملاقاتیں کریں گے جن میں تجارت اور سرمایہ کاری کے نئے مواقع پر تبادلہ خیال کیا جائے گا۔